शाहीन शाह अफ्रिदी बने पाकिस्तानका ‘शाहन्शाह’

 ८ कात्तिक, काठमाडौं । आइतबारको खेल अघिसम्म टी–२० विश्वकपमा पाकिस्तानले अहिलेसम्म भारतलाई पराजित गर्न सकेको थिएन । विश्वकपमा भएको १२ वटै भेटमा विजयी भएको गर्विलो इतिहास भारतसामू थियो ।

तर आइतबार भारत हारेन मात्र, बिर्सन नसकिने गरी पराजित भएको छ । टी–२० अन्तर्राष्ट्रिय म्याचमा भारतले पाकिस्तानसामू १० विकेटको लज्जास्पद हार व्यहोरेको छ । क्रिकेट जानकारहरुका अनुसार दुबईमा टस हार्नु नै भारतका लागि सुखद थिएन । तर पाकिस्तानले ब्याटिङमा मात्र होइन, बलिङमा पनि उत्कृष्ट प्रदर्शन गरेको थियो ।